旅行日-3-

今日係學校既旅行日 地點係黃石碼頭xDD"

晨咁早同呀謙約埋一齊番學校集合

點知佢同左人去食早餐 咁我就自己一個番學校-3-

番到學校 成班中二已經齊晒人-_-"

但係我地中四只係得個幾條友

班中二成班傻仔咁 帶晒遊戲機去旅行-_-"

成班加埋起碼有成二十部遊戲機 低能的

打機駛唔駛去到黃石碼頭打呀

打機就唔好去旅行啦 痴線

等到九點鐘到 人齊了 出發!!

搭左成個半鐘車終於黎到黃石碼頭 風景優美-3-

我地上左山上面 準備打邊爐=D

不過發生左一件大事 就係冇水同冇蓋-_-"

[死肥麒帶個鍋黎又唔帶蓋 水點滾呀-_-"]

之後呀海落左去廁所拿水 辛苦晒xDD"

之後再去問另一組借個蓋 唔該晒-3-

開餐!! 一開始係咁落丸 勁快比人食晒-_-"

[我地組九條友 食野速度驚人-_-"]

之後開始開肥牛 勁無奈-_-"

一放肥牛落去勁多筷子係個鍋到 即刻冇晒肥牛-_-"

無啦啦有隻大蜜蜂飛左入我杯汽水到一.一凸

之後呀逸用另一隻杯蓋住左隻杯 哈=D

最後隻蜜蜂比汽水浸死左 抵死!鬼叫佢飲我杯汽水 哼

大家都食得七七八八 就開始D!N了-3-

呀鄒真係慘 比我地七條友施暴xDD"

仲獻出左佢人生中既第一次=D 何其壯觀-3-

[程S!R都阻止唔到我地 哇哈哈=D]

之後開MC K!LLER 開頭唔係好識玩 之後識左

[點解會比蘇亮嬴左架 有冇搞錯xDD"]

最尾個次先正 陳豪個樣勁唔自然-_-"

聽佢地講仲好似有手震 唔估佢都唔得啦xDD"

玩到咁上下 就落番山下面玩班會既活動-3-

見到另一班係到打排球同埋踢波-_-"

玩收賣佬 要求勁低能兼無里頭-_-"

五部NDS 三部PSP 四對鞋 四件外套 兩件皮帶

七副眼鏡 十部電話 等等-_-"

[都唔知邊條粉腸諗出黎既-_-"]

之後將要求轉左為呀鄒條皮帶-_-"

[姐係要除呀鄒條褲姐xDD"]

玩完活動影班相 好爽呀=]

[幫我地影相個個睇住黎 手震呀啦 哼]

影完相就開始起程番學校了-_-"

起架車上面個個都好H!GH xDD"

首先全班合唱一首"始終有你" 姐係練班際比賽-_-"

之後就到我地班既人獨唱 y0! 好多人淆底-_-"

程S!R唱歌 正哇-_-" 現場氣氛好鬼H!GH-_-"

[不過佢唔比人影相同錄影 真係可惜-_-"]

唱下唱下終於都番到學校xDD"

[我真係驚個司機會炒架-_-" 好彩冇事姐 不過都行錯左路]

之後同呀堯 呀海 佢地去左一陣太古城行街-_-"

行左一陣就番屋企了-_-"

屋企冇人 自己一個呆吧=[

精彩的一天就完結了-3-

-完-

中秋節快樂-3-

咁多位 中秋節快樂-3-

今個中秋節普通到......-_-"

成日都留左係屋企 冇出到去玩xDD"

又買唔到月餅食 唯有食雪糕-3-

不過中秋餐飯就好豐富

有魚有菜仲有牛排 正-3-

成晚就留係屋企睇電視同打機

仲有係MSN同人傾計=]

簡直係苦不堪言-_-"

下個中秋我一定要喪玩

我要D!N !!!!!!!!!!!!!!!!!!!!

--------------------------------------------------------------------------------------------------------------

換左新既背影音樂 軒仔既遙吻-3-

遙吻

慢慢 雪落有聲
情境 就似這段情
冷卻得結冰
漸漸 腳步放輕
驟聽 彷似你念及餘情

但願 我沒眼睛
無須 面對這道牆
有你的背影
但願 我沒法醒
令我 不覺你道別 沒震驚

＊明知得到你都要知道怎放下你
明知天空有很多班客機
令我不得不放棄

如果有限期 可否拖得到我會飛
容我 俯瞰你 遙吻比怨你可悲
如果有限期 可以拋低你
我會一生也學習 忘記你＊

事實 你定要走
回家 是你的自由
我只得放手
異地 雪在顫抖
大概 只有極地 是永久

Repeat＊

何需怕距離 千里都可以吻你

開學了-3-

開學都開左兩個星期-3-

咁耐先打番 唔好意思=]

因為實在唔太得閒 同埋唔係太想打xDD"

講番咁多個星期既野先啦

中文" 冇乜野好講 只係知道呢一科有一定難度

好多野都唔太識 加上係新課程 冇乜信心=[

作左兩篇文 六百字一篇 又要靠我既老吹技術 哈=]

英文" 學左整容個類既詞語a_a  唔算太深

同埋作左兩篇文 要二百字 又要我係到老吹-_-"

不過都尚算可以既 個老師幾好人a_a

數學" 做左科代表 自薦的xDD" 開心

日日都有小測 幾星期又有一個測驗

不過都冇乜壞既 數都係要做得多先熟 就當練習下-3-

成績都唔錯 只不過係測驗入面太多唔小心 搞到好低分 灰 x[

呢排真係要做多少少數 操熟佢-3-

宗教" 教得好正呀 上堂幾開心 笑鬼死人-3-

學左好多名句 混你個帳呀a_a

生物" 教番上年教個既野 只不過係英文版

冇乜難度 最煩係記生物既詞語 都幾深下=]

不過我諗我應付得黎...掛 xDD"

化學" 本人挺厲害的一科 概念仲係到-3-

都係教番上年既野 都係冇乜難度-3-

概念岩既話 我諗錯既機會會好少 y0! *0*

物理" 上堂超悶-_-"

好想訓覺 但係又唔訓得 聽佢講書又悶 唉=[

但係又真係教得唔錯既 好過上年就係識係到吹水xDD"

就黎教力學*0* 新野黎 唔知難唔難呢?

經濟" 廢人廢堂廢事講 教個個廢 內容又唔係深

搞到堂堂好似自修咁 個個係到做數 哈-3-

不過最煩就係係咁係到嘈人 又話記乜記物 麻叉煩-_-"

我已經中左招 記左一個缺點啦 就係比佢記架啦 y0!

今年首先開光 真爽a_a

開學成兩個星期 個大操場仲未整好 工程中=[

搞到冇得踢波 唔開心x[

日日要測驗 要溫書 唔係太得閒打機

同埋我要比心機 唔可以太沉迷打機了xDD"

-完-

不能說的咪咪 =]

今朝晨咁早番左學校交學費

無鬼聊 番去一陣又要番屋企去-_-"

交晒學費同埋回條都唔駛一分鐘

都唔明點解學校咁白痴-_-"

約左江哥係學校等 仲有家豪 呀田 膠田 等等

一齊約埋去睇《不能說的‧咪咪》

一齊搭地鐵去太古康怡-3-

呀政佢地一路等地鐵一路唱歌 都唔知咩事xDD"

去到戲院買飛 睇一點半個場-3-

家豪近視要買前少少既位睇 所以就分開左兩行坐-3-

買完飛未夠鐘睇戲 就上左峰哥屋企玩xDD"

呀戴玩狐忍同死神都好屈機呀*0* 膠田都唔差

我比佢地玩殘xDD" 第一次玩算係咁 Orz

之後林軒打黎 原來我地唔記得買佢飛 哈=]

之後就叫佢自己去買xDD"

差唔多夠鐘開場 就開始係峰哥屋企移動

先係去左OK買野飲 偷運入戲院xDD"

咪咪開場啦!!!!!!!

周董同人鬥琴個到好正 好屈機*0*

一隻手彈琴又得 一個人兩隻手彈兩個琴都得 強=]

一開始個到大家都應該明

但係後來就要用腦諗 同埋好專心睇-_-"

唔係就會唔太明白個劇情

因為尾段個劇情都真係幾混亂下

我都睇得明既 同埋都覺得幾好睇-3-

膠田話見到後面班女仔睇到喊-_-"

有冇咁誇張呀 我都睇唔到xDD"

睇緊戲個陣其實已經掛左八號風球

所以我就要快少少番屋企 我住得都幾遠下

江哥佢地就上左峰哥屋企繼續xDD"

地鐵站多人到爆 尤其是轉線既站-_-"

起碼要等兩至三架先上到車 吹鬼帳

仲要人人都迫到實一實 郁都郁唔到-_-"

最終都成功番到屋企xDD"

夜晚 食住家飯 個瑤柱炒蛋白唔係好得xDD"

得瑤柱味 冇蛋味 仍然有待改進-3-

-完-

難忘的 =]

前日係班CAMP 約左人係沙田食野-3-

點知越來越多人 由原來既三個人變十一個xDD"

去左越棧食野 好味 大家有講有笑-3-

子坤帶左個吉他黎 嚇窒晒我地咁多個 =]

原來佢拿左個吉他袋黎裝野 咩屋企冇袋用-_-" 吹帳xDD"

食完野之後就搭專車入營了-3-

[不過吳翹冇黃色衫 要江哥幫佢買 搞到江哥遲左入去xDD"]

入到去就分組先 不過由於分組太過造馬

搞到好多人都不滿 仲發生混亂xDD"

[最主要係波爺玩野姐-_-" ]

最後都成功分到組xDD"

之後番去營房 個個掉晒房 今晚就好玩啦 哈哈-3-

家豪 呀田 富傑 波爺全部掉晒過黎 仲帶埋好多野食過黎

個個大飽口福了 呵呵-3-

之後番去玩熱身活動 "扑瓜" 幾好玩

[有幾條粉腸用盡力扑既 痴線的-_-"]

之後玩 "垃圾筒" 我做左蒙眼個個=]

仲要係第一個 搵兩蚊銀個個=]

不過唔知邊個傳錯左 個答案離晒譜-_-"

不過唔緊要啦 大家都係著重玩個個過程姐-3-

夜晚燒野食 我負責燒 熱死人 又支力-3-

燒麵包+蜜糖好正 好味呀 x]

燒完野食就落左去打陣波 好多人都黎左-3-

夜晚就玩壓軸遊戲 "黑夜追蹤" 每次都要有三條友蒙眼

第一個關卡 係估野 只可以問係或者唔係既問題

答岩左二十三個 哈哈*0*

途中江哥諗住爆嚇我地個陣 自己反而爆左xDD"

[江哥自食其果xDD" 講笑-_-"]

第二個關卡 係用報紙包人 我負責包人xDD"

好快就搞店左 不過都用左幾多膠紙-_-"

之後我做左蒙眼個個 膠田做我枝"盲公竹"

第三個關卡就係 飲一桶水-_-"

好低能咁 但係都好難玩

[岩晒口渴既我啦xDD"]

我都應該飲左六份一既水 爽晒呀-3-

[其實飲完有小小肚痛-_-"]

膠田好勁 飲得最多係佢-_-"

之後去到最尾個關卡 唔識點講-_-"

總知都幾好玩掛 [因為我蒙左眼都唔知咩事-_-"]

夜晚番左營房就開始玩啦 [夜魔俠出動xDD"]

勁多人過左黎我地個邊玩 都唔知咩事xDD"

遊戲機多到隨手都搵到一部黎玩-_-"

對打 對打 個個玩到D!N晒 *0*

可憐既我比江哥昆左去玩xDD"

我都估到有少少唔對路架啦 峰哥扮聲

加上又見到叉政係我後面扮野xDD"

本來我都估到下發生咩事架啦-_-"

不過真係估唔到前面個班友仔都玩野 嚇窒晒xDD"

之後就去左梓維個邊鋤DEE =]

好彩冇賭到錢 唔係嬴到佢地底褲都冇埋xPP"

之後番番去自己間營房 成班人仲打緊機 冇變到-_-"

之後就開始玩UNO 越玩越多人 成十幾個人 爽*0*

玩到四點幾就訓啦 比江哥玩完淆淆地 去左同膠田孖舖=]

不過要去到天光先訓得著 玩得太D!N -3-

--------------------------------------------------------------------------------------------------------------

第二日 七點半就起左身-_-" SH!T

訓得兩個幾鐘 好支力-_-"

之後去左食早餐 通粉

點知已經一號風球 大家都好不安=[

[因為三號風球大家都要走]

開始第一個遊戲 唔識點講-_-"

其實都幾無聊 + 容易 xDD"

第二個遊戲都係幾無聊 + 容易-_-"

[對不起 我太直接了-_-"]

第三個遊戲抬人行路 都幾難下-_-"

仲要抬都幾重下既人 好辛苦下xDD"

[好彩唔駛抬波爺同肥熊咋 謝天謝地-3-]

第四個遊戲開始黎料 拋水球-3-

膠田第一個濕身 成個水彈爆係佢身到 濕晒xDD"

之後就玩水戰 個個拿晒水球水彈水桶水候xDD"

個個都要濕晒 無一幸免-3-!!!!!!!!!!

成個人爽晒-3- 個個追住人黎淋 好好玩=]

比江哥同膠田搞到成身濕晒xDD"

之後圍追家豪xDD" 濕晒 又搞店一個=]

成班圍追未濕既人 幾桶幾桶咁淋落去 哈哈-3-

好彩我都拿左個水桶 淋濕番江哥同膠田報仇先-3-

玩到咁上下 個個都濕晒 個颳風又黎緊

就番去營房沖涼 + 休息 =]

之後食午飯 個個都食得超快-_-"

又去左打左陣波-3-

食完野 + 打完波 就開始玩野外定向+黑夜追蹤 *0*

我地組內衣組完全發揮出我地既團結精神xDD"

[唔好誤會xDD" 內衣 =  底衫 = 第三 ]

[鄒鄒你做戲好假呀 你知唔知道呀xDD"]

死人載返走黎走去 跑鬼死人-_-"

搵你都搵到出晒汗 搵到又玩野-_-"

佢個遊戲最衰 用口傳PING PONG波 SH!T-_-"

玩完要漱口xDD"

終於玩晒咁多個遊戲啦 之後番去總結黑夜追蹤既案情-3-

波爺痴線架 吹到咁鬼大 比佢玩晒-_-"

個個拍晒手掌呀 波爺好野*0*

之後就食晚飯

不過有一個好不幸既消息>_<"

颳風黎緊 要掛三號風球 大家都要走

食晚飯既時候冇乜人講野 個個都冇晒MOOD 心情好DOWN =[

我地既CAMP完啦 我地CLASS B 完啦!!!!!!!!!!!!!!!!!!

個個都冇黎神氣 番到房都冇乜野講 就係係到汁下野

之後去到最後既一個活動 分享會=]

我都有份出去分享 不過比人串咁解姐-_-"

每個人講既野都好感動 叉政喊左出黎

之後家豪 江哥 呀田 膠田 都喊埋出黎"

個個都好唔捨得大家 =[

大家都互相抱抱 安慰 個時既情景真係好感人-3-

之後大家就好唔捨得咁搭車走人

出番去沙田之後就各散東西了 =[

--------------------------------------------------------------------------------------------------------------

三年咁就過去左 大家一齊好開心 好多野玩-3-

一齊好團結咁玩老師 玩同學xDD"

不過天下無不散之延席 三年既同班同學就要分開

雖然我地唔再係同班同學 但我地之間仍然係好同學 好兄弟-3-

任何班際既活動大家都出盡全力 為我地班付出-3-

就算冇份落場 都會去睇下 支持一下自己既兄弟

嬴既大家一齊開心 輸既大家都一齊唔開心

大家就好似一家人咁 咩都有得傾xDD"

CLASS B既完結 唔代表我地之間既友情會完結

我永遠都唔會忘記你地-3-" 好兄弟 好朋友!!!!!!!!!!!!!

-完-